അദ്ദിക്ർ

ആരാണോ ഗ്രന്ഥത്തെ മുറുകെപ്പിടിക്കുകയും നമസ്കാരം നിലനിര്‍ത്തുകയും ചെയ്യുന്നത്, നിശ്ചയം അത്തരം സുകൃതവാന്മാരുടെ പ്രതിഫലം നാം പാഴാക്കുകയില്ല തന്നെ എന്ന് 7: 170 ലും; അല്ലാഹുവിന്‍റെ ഔദാര്യം കൊണ്ടും കാരുണ്യം കൊണ്ടും ആഹ്ലാദഭരിതരാവുക, അതാണ് നിങ്ങള്‍ ഒരുമിച്ചുകൂട്ടുന്നതിനേക്കാളെല്ലാം ഉത്തമമായിട്ടുള്ളത് എന്ന് 10: 58 ലും പറഞ്ഞിട്ടുണ്ട്. ഈ സൂക്തത്തില്‍ പറഞ്ഞ കാരുണ്യവും ഔദാര്യവും അദ്ദിക്ര്‍ തന്നെയാണ്. വിശ്വാസികള്‍ക്ക് മാത്രമേ അദ്ദിക്ര്‍ കാരുണ്യവും ഔദാര്യവുമാകുന്നുള്ളൂ. 9: 28 ല്‍ പറഞ്ഞ കപടവിശ്വാസികളും അനുയായികളുമടങ്ങിയ അറബി ഖുര്‍ആന്‍ വായിക്കുന്ന ഫുജ്ജാറുകളായ മാലിന്യങ്ങള്‍ക്ക് അദ്ദിക്ര്‍ മാലിന്യവും നഷ്ടവുമല്ലാതെ വര്‍ദ്ധിപ്പിക്കുകയില്ല എന്ന് യഥാക്രമം 9: 125 ലും 17: 82 ലും പറഞ്ഞിട്ടുണ്ട്. അപ്പോള്‍ നിങ്ങള്‍ അല്ലാഹുവിലേക്ക് വിരണ്ടോടുക, അഥവാ അദ്ദിക്ര്‍ ഹൃദയത്തിന്‍റെ ഭാഷയില്‍ വിവരിക്കുന്ന സദസ്സിലേക്ക് വിരണ്ടോടുക; ഞാന്‍ നിങ്ങള്‍ക്ക് അവനില്‍ നിന്നുള്ള ഒരു മുന്നറിയിപ്പുകാരന്‍ മാത്രമാണ് എന്ന് പറയാനാണ് 51: 50 ലൂടെ പ്രവാചകനും വിശ്വാസിയും കല്‍പിക്കപ്പെട്ടിട്ടുള്ളത്. എന്നാല്‍ കാഫിറുകള്‍ സിംഹഗര്‍ജ്ജനം കേട്ട് വിരണ്ടോടപ്പെടുന്ന കാട്ടുകഴുതകളെപ്പോലെ ടിക്കറ്റായ അദ്ദിക്റില്‍ നിന്ന് വിരണ്ടോടുന്നതാണെന്ന് 74: 49-51 സൂക്തങ്ങളില്‍ ഫുജ്ജാറുകള്‍ വായിച്ചിട്ടുണ്ടങ്കിലും ഈ സൂക്തങ്ങളെയെല്ലാം തള്ളിപ്പറഞ്ഞുകൊണ്ട് അവര്‍ അദ്ദിക്ര്‍ വിവരിക്കുന്ന സദസ്സില്‍ നിന്ന് വിരണ്ടോടുന്നതാണ്. 2: 38; 3: 74; 22: 78 വിശദീകരണം നോക്കുക.